Chwilio

  • Ewch i'n hafan a chwiliwch am le gan ddefnyddio'ch cod post

Gwneud cais

  • Llenwch y ffurflen gais gyda'ch manylion
  • Os yw'r lle'n llawn, gallwch wneud cais i'r rhestr aros
  • Gallwch wneud cais i gynifer o restrau aros ag y dymunwch
  • Os nad oes lleoedd ar gael yn agos atoch chi, cliciwch 'Awgrymu Lleoliad' i ddweud wrthym ymhle rydych eisiau lle parcio beiciau

Aros

  • Os oes lle ar gael, bydd ein tîm yn cysylltu â chi o fewn 48 awr i gynnig y lle i chi
  • Byddant yn anfon cyfarwyddiadau atoch ar sut i dalu am eich lle a byddant yn anfon allwedd atoch yn y post unwaith y bydd eich taliad wedi'i dderbyn
  • Bydd ein tîm yn cysylltu â chi dim ond pan fydd lle ar gael
  • Sylwch fod rhai o'n rhestrau aros yn hir iawn ac efallai y bydd peth amser cyn i ni gysylltu, ond gallwch fod yn dawel eich meddwl y byddwn yn cysylltu â chi!

Bikehangars

  • £72 y flwyddyn ynghyd â blaendal ad-daladwy o £25 am yr allwedd
  • Mae'r gost yn rhatach os bydd y cyngor yn rhoi cymhorthdal
  • I'w agor gydag allwedd
  • Dyrennir lle penodol i'r aelodau, pob un wedi'i farcio â llythyren A-F. Cadwch at eich lle chi os gwelwch yn dda.
  • 1 lle fesul person (os bydd tanysgrifiwr yn talu am fwy na 2 le, byddant yn cael eu had-dalu'n awtomatig, wedi tynnu ffioedd y trafodyn)
  • Mae'r lleoedd yn cael eu dyrannu ar sail y ffaith mai'r cyntaf i gysylltu sy'n cael lle.
  • Mae'n annhebygol na fydd eich beic yn ffitio, ond mewn sefyllfa felly mae gennych 14 diwrnod i ddychwelyd yr allweddi i gael ad-daliad llawn
  • Ni argymhellir y gwasanaeth hwn ar gyfer beiciau cargo a seddi plant
  • Gwiriwch fod eich beic yn cyfateb i'r mesuriadau beic a ganiateir: (Uchder) 1200mm x (Hyd) 1800mm x (Lled) 750mm gyda theiars hyd at 59mm o led (sylwch, mae'r dimensiynau hyn yn amcangyfrifon ac maent yn ddibynnol ar y safle lle gosodwyd y Bikehangar a'r defnyddwyr eraill yn y Bikehangar)

Canslo ac Ad-daliadau

  • Rhowch eich allwedd(i) mewn amlen wedi'i phadio a chynnwys y Ffurflen Dychwelyd Allwedd hon y gallwch ei lawrlwytho.
  • Os yw'n well gennych, gallwch hefyd lenwi Ffurflen Cais i Ganslo ar-lein.
  • Dychwelwch yr allweddi at: Rentals Manager, Cyclehoop Ltd, Uned 1 Burnham Way, Kangley Bridge Road, London, SE26 5AG
  • Unwaith y derbynnir ac y prosesir eich allweddi, byddwn yn canslo'ch tanysgrifiad ac yn ad-dalu'ch blaendal i chi
  • Nid yw Cyclehoop yn gyfrifol am allweddi sydd wedi mynd ar goll yn y post. Er mwyn sicrhau bod eich allweddi'n cyrraedd yn ddiogel, rydym yn argymell eich bod yn eu postio trwy ddosbarthiad wedi'i gofnodi.
  • Os cymerir taliad cyn i'r cyfrif gael ei ganslo, bydd Cyclehoop yn ad-dalu'r swm llawn cyn belled â bod y canslo'n digwydd o fewn y flwyddyn danysgrifio, gyda chyfnod gras o 1 wythnos ar ôl y dyddiad adnewyddu.
  • Os na fyddwch yn dychwelyd yr allwedd atom neu os byddwch yn pasio'r allwedd i berson arall, byddwch yn fforffedu'ch blaendal allwedd yn awtomatig ac ni fydd unrhyw arian yn cael ei ddychwelyd atoch.

Allweddi

  • Os byddwch yn colli eich allwedd, cysylltwch â ni ar unwaith neu logiwch achos yn eich cyfrif
  • Mae allweddi newydd yn costio £25 am un Bikehangar
  • Rhaid talu am allweddi ymlaen llaw
  • Mae gan allweddi amser arweiniol o dair wythnos waith
  • Bydd allweddi'n cael eu postio i'ch cyfeiriad post sydd ar eich cyfrif
  • Ni allwch ddefnyddio'ch blaendal allwedd gwreiddiol i dalu am gost eich allwedd newydd
  • Mae trosglwyddo eich allweddi i breswylydd arall yn torri ein telerau ac amodau. Mae hyn yn difrïo ein system rhestrau aros teg yn ogystal â pheryglu diogelwch defnyddwyr eraill. Bydd methu â chydymffurfio â'r rheol hon yn arwain at ganslo'r tanysgrifiad ar unwaith yn ogystal â gwaharddiad oes rhag defnyddio'r gwasanaeth.

Cynnal a chadw

Dwyn Beic

  • Yn unol â'n Polisi Dwyn Beiciau, rydych yn gadael eich beic ar eich cyfrifoldeb eich hun. Nid yw Cyclehoop na'r cyngor yn gyfrifol am achosion o golli, difrodi a dwyn beiciau, cloeon neu eitemau eraill sy'n cael eu storio yn yr unedau.

Yswiriant

  • Mae gan Cyclehoop bartneriaeth gyda Bikmo, sef cwmni darparu yswiriant beic arbenigol. Mae Bikmo yn cydnabod Bikehangars fel opsiwn parcio beiciau hirdymor addas i bobl sy'n byw gerllaw.
  • Gall cwsmeriaid Cyclehoop gael gostyngiad o 10% ar eu hyswiriant beic. Gallwch ddod o hyd i fanylion ynglŷn â sut i hawlio'r gostyngiad hwn ar eich e-bost croesawu. Cysylltwch â'r tîm os na allwch ddod o hyd i'r rhain.
  • Os ydych yn aros am le mewn Bikehangar, gallwch barhau i hawlio gostyngiad o 5% ar eich yswiriant beic. Ewch i bikmo.com i gael rhagor o wybodaeth a defnyddiwch y cod HOOP5 i hawlio'ch gostyngiad.

Sut maen nhw'n cael eu gosod?

  • Y cyngor sy'n prynu'r unedau, a nhw sy'n penderfynu ymhle maen nhw am gael eu gosod yn yr ardal. Mae Cyclehoop yn gyflenwr, ac rydym yn rhoi cyngor am y lleoliadau lle gallent gael eu gosod, ond y cyngor sy'n gwneud y penderfyniad terfynol ar leoliadau.

Cwestiwn?